July 2018 - ArewaSwag | Best Arewa Celebrities & Entertainment Blog

Zan yarda wani ya tara da matata – Dan Hakika

Neman matan juna ga mabiya kungiyar Hakika ba laifi ba ne, wata sabuwar akida da ta bulla a arewacin Najeriya. 
 
Cikakkun 'yan Hakika za su iya neman matan juna da kuma barin yin sallah da azumi, kamar yadda wani dan kungiyar ya shaida wa BBC. 
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEjHHRHKfJzwuMir4ujW7UfKwkZQcQbuZkpiR0dfPqdIsFFoaNXHJF-VO6sl3w3kLf39ql2EReUVkMyUMyGkNW-UDxg171eu5FoJ6a8m9fQTNACUT3bE38-IddC7BR-J3ZL-UeB-izVKOB01/s1600/01.jpg" imageanchor="1" style="margin-left: 1em; margin-right: 1em;"><img border="0" data-original-height="351" data-original-width="624" height="225" src="https://blogger.googleusercontent.com/img/b/R29vZ2xl/AVvXsEjHHRHKfJzwuMir4ujW7UfKwkZQcQbuZkpiR0dfPqdIsFFoaNXHJF-VO6sl3w3kLf39ql2EReUVkMyUMyGkNW-UDxg171eu5FoJ6a8m9fQTNACUT3bE38-IddC7BR-J3ZL-UeB-izVKOB01/s400/01.jpg" width="400" /></a></div>Ya ce idan dan hakika ya kai kololuwar akidar zai iya yarda wani da ya kai matsayinsa ya nemi matarsa. 
 
"Idan na kai matakin, shi ma ya kai matakin zai iya nema ba wani abu ba ne a Hakika." 
 
A cewarsa, ba haka kawai suke barin sallah ko azumi ko kuma tarawa da mata ba, sai an bi wani mataki da ke ba wa mabiyi damar yin hakan, matakin da suke kira Tarbiyatul Askaru. 
 
Ya ce "duk mutumin da aka ce ya yi Tarbiyatul Askaru zai fahimci kan sa, ya san wane ne Allah. Kuma idan ka yi nisa za ka shafe komai, ka daina ganin laifin komai,"yana jaddada cewa isa wannan matakin yana samar da sauki wajen aikata ibada, kasancewar yin wadannan shika-shikan addinin Musuluncin ba wajibi ba ne.

Zan yarda wani ya tara da matata – Dan Hakika

Neman matan juna ga mabiya kungiyar Hakika ba laifi ba ne, wata sabuwar akida da ta bulla a arewacin Najeriya. Cikakkun 'yan Hakika za...

Ba ni da niyyar komawa APC –Shekarau

Tsohon Gwamnan Kano kuma jigo a jam'iyyar PDP Malam Ibrahim Shekarau ya ce ba shi da niyyar komawa jam'iyyar APC mai mulkin Najeriya. 
 
Shekarau na mayar da martani ne kan wasu rahotanni da ke cewa Gwamnan Kano Abdullahi Umar Ganduje na zawarcinsa zuwa APC. 
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEj_CvT0u7tLIk_Ttx9ZDIBysoFRq4Kwh9KZWBYc4ab5HssPIMArrZH7uKKtbEZ6xWVT-UXVjQuIDq1cRkHqhyphenhyphenI0omDKybWg4f5N4zqVzBYMt4OlWCYQ4LuWw1atnrUWbQNxKC2cdSTR-5iW/s1600/02.jpg" imageanchor="1" style="margin-left: 1em; margin-right: 1em;"><img border="0" data-original-height="371" data-original-width="660" height="225" src="https://blogger.googleusercontent.com/img/b/R29vZ2xl/AVvXsEj_CvT0u7tLIk_Ttx9ZDIBysoFRq4Kwh9KZWBYc4ab5HssPIMArrZH7uKKtbEZ6xWVT-UXVjQuIDq1cRkHqhyphenhyphenI0omDKybWg4f5N4zqVzBYMt4OlWCYQ4LuWw1atnrUWbQNxKC2cdSTR-5iW/s400/02.jpg" width="400" /></a></div>A ranar Alhamis wasu kafafen yada labarai suka bayar da rahoton cewa jiga-jigan APC a Kano da Abuja sun fara tattaunawa da Malam Shekarau da nufin shawo kansa zuwa jam'iyyar. 
 
Jaridar Daily Trust ta ce lamarin ya karfafa ne saboda sauya shekarar da Sanata Rabi'u Musa Kwankwaso, wanda abokin hamayyar siyasar Shekarau ne, ya yi daga APC zuwa PDP. 
 
Sai dai mai magana da yawun tsohon gwamnan Sule Ya'u Sule, ya shaida wa BBC cewa mutanen da jaridar ta ce sun gana da APC ba wakilansu ba ne, kuma ba da yawun tsohon gwamnan suka yi ba. 
 
"Ya ce ba da hannun malam suka yi ba. Wadannan mutane ne da dama can sun raba-gari da Malam Shekarau," a cewar Sule Ya'u. 
 
Ya kara da cewa ba su da "masaniyar" ganawar da aka ce Ganduje ya yi da wasu da ke ikirarin cewa su wakilan Shekarau ne.

Ba ni da niyyar komawa APC –Shekarau

Tsohon Gwamnan Kano kuma jigo a jam'iyyar PDP Malam Ibrahim Shekarau ya ce ba shi da niyyar komawa jam'iyyar APC mai mulkin Najeriya...

Zan dakatar da ministan Buhari daga APC – Oshiomhole

Shugaban jam'iyya mai mulki ta APC a Najeriya, Adams Oshiomhole, ya koka kan yadda wasu ministoci a kasar ba sa "bin umarnin jam'iyya", inda har ya yi barazanar korar ministan kwadago Chris Ngige. 
 
Mista Oshiomhole ya fadi hakan ne yayin da yake amsa tambayoyin manema labarai a fadar shugaban kasar. 
 
A baya-baya nan ne jim kadan bayan zamowarsa shugaban jam'iyyar APC, Mista Oshimhole ya bai wa ministan kwadago da na sufurin jiragen sama Hadi Sirikia umarnin su nada sabbin shugabannin hukumomin da ke karkashin ma'aikatunsu, kamar yadda gwamnati ta amince. 
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEi5JSwa_6p2N1VeMBfYuj_dmPdoBcOxnh7whZyzhwNF7d8-zqFA29ZvG541rsNIpHhS65Sq87DMk5CVQ8hIeCC32Jm8-95k9H5PLGwBAZgxDSn0oSj62InZcweHlQWMWJTpx3FUL6eid-Eb/s1600/0001.jpg" imageanchor="1" style="margin-left: 1em; margin-right: 1em;"><img border="0" data-original-height="371" data-original-width="660" height="225" src="https://blogger.googleusercontent.com/img/b/R29vZ2xl/AVvXsEi5JSwa_6p2N1VeMBfYuj_dmPdoBcOxnh7whZyzhwNF7d8-zqFA29ZvG541rsNIpHhS65Sq87DMk5CVQ8hIeCC32Jm8-95k9H5PLGwBAZgxDSn0oSj62InZcweHlQWMWJTpx3FUL6eid-Eb/s400/0001.jpg" width="400" /></a></div>Akwai hukumomi da dama da ke karkashin manyan ma'aikatun gwamnatin tarayya da ba a sauya shugabanninsu ba, tun bayan hawan Shugaba Muhammadu Buhari mulki a shekarar 2015, duk da cewa akwai 'yan jam'iyyar da dama da ke korafin cewa an hana su mukamai. 
 
"A ganina babu dattaku ga duk wani minista da yake zagon kasa ya kuma kasa rike girmansa ta yin abin da bai dace ba, babu wanda ya fi karfin jam'iyya," in ji Mista Oshimhole. 
 
Ya kara da cewa: "Ni a jam'iyya ba zan dauki sakacin da shugaban kasa ke dauka daga wajen masu rike da mukaman gwamnati ba. 
 
"Kuma idan muka kori mutum to za mu gamsar da shugaban kasa cewa wannan mutum bai cancanci zama a majalisar shugaban ba, don ba ya bin umarninsa kuma ba ya yin biyayya ga jam'iyya, wacce ba don ita ba da ba su kai matsayin da suke kai ba a yanzu. 
 
"Na fada na kara nanatawa, babu wani minista da ya fi karfin jam'iyya, kuma suna amfani da yadda shugaban kasa ke nuna dattako wajen kawar da kai kan abubuwa da dama. 
 
Mista Ngige dai ya mayar wa Oshiomhole martani a cikin wata wasika cewa ba zai bi umarninsa ba, umarnin Shugaba Buhari kawai zai bi. 
 
Masharhanta dai na ganin barin tsoffin shugabannin hukumomin wadanda suke tun zamanin Goodluck Jonathan na kawo nakasu ga tafiyar wannan gwamnatin. 
 
Mista Oshimhole dai ya jaddada cewa duk ministan da bai bi umarni da aka ba shi ba, to ba makawa za su tabbatar da cewa an cire shi, yana mai gargadinsu cewa ba zai dauki irin abin da suke yi a baya ba. 
 
"Ko dai su yi biyayya ko kuma mu kore su daga jam'iyya. Idan muka kore su za mu ga yadda gwamnati za ta ci gaba da tafiya da 'yan aware," in ji shugaban jam'iyyar.

Zan dakatar da ministan Buhari daga APC – Oshiomhole

Shugaban jam'iyya mai mulki ta APC a Najeriya, Adams Oshiomhole, ya koka kan yadda wasu ministoci a kasar ba sa "bin umarnin jam...

Ina nan da raina — Sadiya Gyale

Fitacciyar jarumar fina-finan Kannywood Sadiya Gyale, ta karyata labarin mutuwarta da aka yada a kafafan sada zumunta. 
 
Sadiya ta shaida wa BBC cewa, ita dai tana zaman-zamanta da lafiyarta, sai kawai taga ana ta kiranta a waya ana tambayarta ko lafiya don ga labarin da ke yawo a kafafan sada zumunta. 
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEh9UiLmSE-6KUfS5vf6QXy50sN2g1f71KHXM1X1La52NVY-YEuWu-1skvz0LUwvEqqSZpac3GdvVbwDt0qBeE2tZhxvU9ZjfEfWLJgUfRfDcQjuHXBWZmybbvMSdcTiH7LJeH7e8spNAZZI/s1600/0001.jpg" imageanchor="1" style="margin-left: 1em; margin-right: 1em;"><img border="0" data-original-height="371" data-original-width="660" height="225" src="https://blogger.googleusercontent.com/img/b/R29vZ2xl/AVvXsEh9UiLmSE-6KUfS5vf6QXy50sN2g1f71KHXM1X1La52NVY-YEuWu-1skvz0LUwvEqqSZpac3GdvVbwDt0qBeE2tZhxvU9ZjfEfWLJgUfRfDcQjuHXBWZmybbvMSdcTiH7LJeH7e8spNAZZI/s400/0001.jpg" width="400" /></a></div>Ta ce tun tana daukar abin kamar wasa, sai kuma ta ga cewa lallai an yada labarin cewa ta mutun. 
 
Ta ce labarin mutuwarta ta da aka yada ya sa masoyanta da dama cikin tashin hankali, domin kuwa wasu daga cikinsu ko baccci kasa yi suka yi, wasu kuma a ranar ko abinci ba su iya ci ba inji ta. 
 
Sadiya ta ce, ita agaskiya labarin sam bai dame ta ba, don kuwa a ranar ma bacci ta yi har da mun shari, domin ta san cewa dukkan mai rai mamacine wata rana. 
 
Jarumar ta ce wadanda suka mutu ba gaggawa suka yi ba, haka wadanda suke raye ma ba jinkiri suka yi ba, fatan ta Allah ya sa ta cika da kyau da imani. 
 
Sadiya Gyale, ta ce a gaskiya irin yada wadannan labarai na karya sam ba dai-dai ba ne a cikin al'umma musamman musulmai. 
 
Ta ce 'A gaskiya duk wanda ko wadda ta shirya wannan labari, to ta daukarwa kanta ko kansa babban alhaki, kuma ba bu wata riba da mutum zai samu a kan hakan'. 
 
Jarumar ta ce duk wanda ke fadar wane ya mutu ko wance ta mutu a hali karya ne, to ai Allah ne kadai ya san gawar fari, kuma ba mamaki ma shi mutumin da ke yada irin wannan labarin shi ke kusa da rami. 
 
Sadiya ta ce, tana goyon bayan matakin da gwamnatin tarayyar Najeriya ta dauka na gangami a kan masu yada labaran karya musamman a kafafan sada zumunta. 
 
A kwanakin baya dai gwamnatin Najeriya ta bullo da shirin yaki da labaran kanzon kurege, amma kuma har yanzu a iya cewa ba a rabu da Bukar ba domin kuwa har yanzu ba a fasa ba.

Ina nan da raina — Sadiya Gyale

Fitacciyar jarumar fina-finan Kannywood Sadiya Gyale, ta karyata labarin mutuwarta da aka yada a kafafan sada zumunta. Sadiya ta shaida wa...

Da duminsa: Buba Galadima, Shugaban R-APC ya yi hatsari

Rahotanni dake shigowa daga kafafen yada labarai da dama sun tabbatar da cewar shugaban R-APC, Buba Galadima, ya gamu da hatsarin mota a hanyarsa ta dawowa daga jihar Yobe inda ya je yiwa dan uwansa ta’aziyyar rasuwar diyar sa. 
 
Galadima na tare da ‘ya’yansa biyu; Sadiq Galadima da Mohammed Galadima, da kuma wasu mutane biyu lokacin da hatsarin ya afku. 
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEjqYF8GQaZYHEByPT2vgR8OBiKlCZ_RjfKegUE2b3W4v_EbgbzdW401Y-ow3wfEp6QSQ1lx36cOkw55vZi7ueTb9AZAKcEM9ciTqXjdc8CSk7xFexSn79d3X3IfvnkaItr_au3a89awG-0R/s1600/0001.jpg" imageanchor="1" style="margin-left: 1em; margin-right: 1em;"><img border="0" data-original-height="960" data-original-width="576" height="400" src="https://blogger.googleusercontent.com/img/b/R29vZ2xl/AVvXsEjqYF8GQaZYHEByPT2vgR8OBiKlCZ_RjfKegUE2b3W4v_EbgbzdW401Y-ow3wfEp6QSQ1lx36cOkw55vZi7ueTb9AZAKcEM9ciTqXjdc8CSk7xFexSn79d3X3IfvnkaItr_au3a89awG-0R/s400/0001.jpg" width="240" /></a></div>Wani jigo a tafiyar R-APC, Emmanuel Sawyerr, dake da kusanci da Buba Galadima, ya ce motar da Galadima ke ciki ta wuntsula sau da yawa yayin da hatsarin ya afku. 
 
Ba a san halin da Buba Galadima ke ciki ba ya zuwa yanzu. 
 
Zamu kawo maku karin bayani....

Da duminsa: Buba Galadima, Shugaban R-APC ya yi hatsari

Rahotanni dake shigowa daga kafafen yada labarai da dama sun tabbatar da cewar shugaban R-APC, Buba Galadima, ya gamu da hatsarin mota a han...

Shu’uma: Na samu damar kashe maza har 4 ta hanyar yin basaja da hijabi – Wata budurwa

Mariam Abiola, wata shaidaniyar budrwa mai shekaru 20 ‘yan kungiyar asiri ta “Eiye” ta bayyana yadda ta kashe wasu mutane har 4 daban-daban a yankin Ilasamaja ta jihar Legas ta hanyar yin basaja das aka hijabi. 
 
Mariam, da jami’an ‘yan sanda na ofishin Ilasamaja suka kama da safiyar yau, Litinin, ta bayyana cewar ta daina zuwa makaranta ne tun tana aji uku na makarantar sakandire. 
 
An kama ta ne tare da wasu karti 4 a wani sintiri da jami’an ‘yan sanda karkashin shugabansu na ofishin yankin Ilasamaja ya jagoranta. 
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEiOrJCPV8MS93z47K-u5be7vNtlSwqoFpGEMdomEzdTJjoCzV_jWRtJSQd-lHtoZE9-TjVmDpypbzIPY521cclWErvVWgsjTkKw_o2lyoIXJkoHKjuRSH9R_jleKqEw6o9aVL_ctEMX3LeT/s1600/0001.jpg" imageanchor="1" style="margin-left: 1em; margin-right: 1em;"><img border="0" data-original-height="1080" data-original-width="810" height="400" src="https://blogger.googleusercontent.com/img/b/R29vZ2xl/AVvXsEiOrJCPV8MS93z47K-u5be7vNtlSwqoFpGEMdomEzdTJjoCzV_jWRtJSQd-lHtoZE9-TjVmDpypbzIPY521cclWErvVWgsjTkKw_o2lyoIXJkoHKjuRSH9R_jleKqEw6o9aVL_ctEMX3LeT/s400/0001.jpg" width="300" /></a></div> 
Da take yiwa jami’an ‘yan sanda bayanin hanyar da take bi kafin kasha ‘yan kungiyar asiri dake hamayya da tasu, Mariam ta bayyana cewar tan a samun saukin gudanar da aiyukanta na ta’addanci ta hanyar saka hijabi bayan shugabannin kungiyarta sun tsuma tad a asiri. 
 
Matashiyar ta bayyanawa ‘yan sanda cewar ta zo Legas ne daga jihar Osun domin neman aiki amma sai wani saurayi, Saddiq, day a sauketa ya saka ta cikin kungiyar su ta asiri. 
 
 
Kazalika ta bayyana cewar saddiq din ne ke biyanta N10,000 duk lokacin da ta kasha wani mutum. 
 
Saidai Saddiq ya musanta sanin matashiyar duk da ya amince cewar shi dan kungiyar asiri ta “Eiye” ne. 
 
Kwamishinan ‘yan sandan jihar Legas, Edgal Imohimi, ya nuna matukar kaduwa da jin maganganun dake fitowa daga bakin Mariam tare da yin kira ga iyaye das u saka ido a kan irin abokai ko kawaye da ‘ya’yansu ke wasa ko yawo tare.

Shu’uma: Na samu damar kashe maza har 4 ta hanyar yin basaja da hijabi – Wata budurwa

Mariam Abiola, wata shaidaniyar budrwa mai shekaru 20 ‘yan kungiyar asiri ta “Eiye” ta bayyana yadda ta kashe wasu mutane har 4 daban-daban ...

Likafa ta cigaba: Kungiyar Izala (JIBWIS) zata gina katafariyar jami’a a jihar arewa

A yau, Litinin, ne kungiyar Izalatul Bid’a waikamatus Sunnah (JIBWIS) ta sanar da cewar gwamnatin jihar Jigawa ta basu kyautar hekta 65 ta fili domin gina jami’ar karatun addinin Musulunci. 
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEgM4BwjHysIcSoIQ2VcJYwz_UXEDAv8-3632oDt14Kn6zyV0uLC8ObFYjUHSxE2ke3cIISfiHmma7O0RZeugm4gV2TMUAZULTcs8wSeWmGLHOSJp1Lca19Yhz7lCOzYrufCg4uN6I2fWz5q/s1600/0001.jpg" imageanchor="1" style="margin-left: 1em; margin-right: 1em;"><img border="0" data-original-height="505" data-original-width="899" height="225" src="https://blogger.googleusercontent.com/img/b/R29vZ2xl/AVvXsEgM4BwjHysIcSoIQ2VcJYwz_UXEDAv8-3632oDt14Kn6zyV0uLC8ObFYjUHSxE2ke3cIISfiHmma7O0RZeugm4gV2TMUAZULTcs8wSeWmGLHOSJp1Lca19Yhz7lCOzYrufCg4uN6I2fWz5q/s400/0001.jpg" width="400" /></a></div>Da yake sanar da hakan yau a wurin wani taron bullo da dabarun tara kudi domin sayan dabbar layya ga masu karamin karfi, shugaban kungiyar JIBWIS, Bala Lau, y ace gwamnatin jihar Jigawa ta basu kyautar filin ne a karamar hukumar Hadejia. 
 
A cewar Lau, kungiyar JIBWIS ta samu takardar kyautar filin ne ta hannun sarkin Hadejia, Mai Martaba Abubakar Maje, tare da bayyana cewar zasu kafa wani kwamiti da zai samar da kiyasin adadin kudin da gina jami’ar zai cid a kuma irin kwasa-kwasan da za a ke koyarwa bayan kamala gina ta. 
 
Lau ya bayyana cewar sun zabi gina jami’ar a Jigawa ne saboda akwai zaman lafiya a jihar kuma ga kusanci da take das hi da jihohin arewa maso gabashin Najeriya. 
 
 
Dangane da yadda kungiyar JIBWIS zata gina jami’ar, Lau ya bayyana cewar kungiyar JIBWIS ta samu kimanin N264m daga sadakar fata da jama’a suka bayar a sallar layya ta bara tare da sanar da cewar sun yi amfani da wani bangare na kudin wajen gina gidan Talabijin na Manara da gidan saukar baki na Gumi da gina wani masallaci da asibiti. 
 
Lau ya yabawa gwamna Badaru Abubakar na jihar Jigawa bisa basu kyautar filin da kuma yi masu alkawarin bayar da duk wata gudunmawa domin tabbatar da an samu nasarar gina jami’ar.

Likafa ta cigaba: Kungiyar Izala (JIBWIS) zata gina katafariyar jami’a a jihar arewa

A yau, Litinin, ne kungiyar Izalatul Bid’a waikamatus Sunnah (JIBWIS) ta sanar da cewar gwamnatin jihar Jigawa ta basu kyautar hekta 65 ta f...