Na Yi Bakin Ciki Da Ban Buga Wasa Da Coutinho Ba A Kungiya Daya -Ronaldinho

Shahararren dan wasan nan dan kasar Brazil, Ronaldinho, ya bayyana wanda yaso ace ya samu damar buga kwallo dashi a rayuwarsa kuma da zai samu damarb haduwa da dan wasan a wani wasan bazaiyi wasa da damar ba. Ronaldinho mai shekaru 38 ya bayyana cewa Philippe Coutinho yana da duk wasu abubuwa da suke sanyawa a zama babban dan kwallo a Duniya kuma yana fatan nan gaba kadan zai zama shahararren dan wasa.

Ronaldo wanda a yanzu haka yake kasar Brazil yana hutawa bayan yayi ritaya daga buga kwallo ya bayyana cewa ba a kowacce kungiya ake iya samun ‘yan wasa kamar Coutinho ba.
‘Barcelona tayi babban tunanin lokacin da tayi kokarin siyan dan wasa Coutinho saboda matashin dan wasa ne wanda yasan abinda yakeyi kuma yake da tunani sama dana wasu ‘yan wasan” in ji Ronaldinho

Yaci gaba da cewa ‘babban abin takaici a aduniya shine banyi wasa tare dashi a kungiya daya ba ko a Barcelona balle a Brazil kuma ina bakin ciki da wannan abu amma har yanzu ban fitar darai da buga wasa dashi ba anan gaba”
Ronaldinho ya dai shafe shekaru 5 a Barcelona bayan da ya rattaba kwantiragi a shekara ta 2003, ya lashe gasar Laliga har sau biyu da Spanish Super Cup da kuma gasar cin kofin zakarun turai.