Bayan Sama Da Shekara Daya Da Bace Wa Nnamdi Kanu Ya Bayyana A Jerissalam

Bayan sama da sheakara daya da bacewar shugaban kungiyar ‘yan asalin yankin Biafra, Nnamdi Kanu, ya bayyana a kasar Jerissalam.
Kanensa, Emmanuel, ya bayyana wa majiyarmu a jiya juma’a ‘yan uwansa sun samu labara ta hanyar faifan bidiyo daga wani mai sauna Castro Nkume.
Haka kuma Emmanuel, ya ci gaba da cewa, mataiamakin Daraktan kungiyar ‘yan asalin Biafiran (IPOB) Uche Ejiofor ya tabbatar da cewa mutumin da ya gani a faifan bidiyon Kanu ne.

In za a iya tunawa dai tun lokacin da sojoji suka kai farmaki gidansu Kanu ranar 14, ga Satumba, 2017, ba a sake jin duriyarsa ba, tare da iyayensa.
Emmanuel ya ci gaba da cewa, mambobin kungiyar ta IPOB da dukkan mutanen da ke zaune a garin Isiama Afaraukwu sun yi farin ciki da jin wannan labara na cewa, har yanzu Kanu na raye.

Ya ce duk da haka, har yanzu ba za su iya cewa, ga inda iyayen Kanu suke ba.
Ya ce, “Na tabbatar da cewa mutumin da na gani a bidiyon Kanu ne, nag an shi kuma yana addu’a. Saboda haka yau cike muke da farin ciki.”